Kiel Fariĝi Prezidanto de Junulara Organizo – Unua Leciono

Artikolo aperinta sur Momenton 10 (vintro 2006)

Do, kiel eble vi scias, en ĉi tiu BEJK oni interalie elektis novan estraron por BEJO. Ĉar la movado de mia nuntempa loĝurbo, Florianópolis, estas tre malgranda, tial en ĉi tiu semestro mi kunigis miajn strebojn precipe por la loka movado kaj iomete lasis BEJO-n, eĉ pro la tiama neekzistanta interreta aliro en mia eksa studenta domo (jes, kredu, ankaŭ mi loĝis en tia loĝejo). Ni, jam dumkongrese, bone pridiskutis la direkton de la junulara e-movado, kelkaj ideoj aperis, duboj estis solvitaj kaj aliaj tuj naskiĝis, kiel sekvo de nia evoluado.

Tamen, kiuj partoprenos la novan estraron? Jen dubo! “Sed hodiaŭ estas la tago de la elektiĝo!!!” Ne, la afero ne estis tiel simpla, ne estis grupoj por konkuri al estraraniĝo, eĉ ne unu grupo por preni la taskon, do ni bezonis krei ĝin tujtuje! Tamen, ĉar neniu volis esti la prezidanto, mi, la plej erara, la plej malkuraĝa, kaj finfine, unu el la plej fuŝaj esperantistoj el la tuta Brazilo, sentis aferon ene de mi kaj diris memorindan frazon, pli-malpli tiel: “Bone, fakte neniu volas esti la prezidanto… Do, eble mi bedaŭros poste, sed mi volas diri, ke se ĉiuj vi konsentos, oni forviŝos mian nomon de la fiska konsilantaro kaj metu ĝin en la prezidantecon”.

Ĝeneralaj krioj! Aplaŭdoj! Kaj tuj poste, ĝeneralaj mokoj. Multaj traktis min ŝerce, kiel tiujn kandidatojn de filmoj kaj brazilaj dramserioj – “Tiu estas nia prezidantooo!! Vivu nia prezidanto!!!” do mi bezonis elteni… Do, la junularo, post tiu serioza kaj kompreneble bezonata kongresa etoso, iris al la studenta domo karese nomita “Kurba Domo” ŝerce al nia pola amikino, kaj alia festo stariĝis. Muzikaĵoj esperantaj, babiladoj, ridadoj, multaj “Jes, ĉefo! Ĉu vi volas alian bieron, ĉefo?” malaprobitaj de mi, k.t.p. Aĥ, pri la bieroj… Pro ili mi festumis ĝuis la etoson, kaj eĉ kvereletis kun konservativa studentino pri lingvistiko de UNICAMP, amikino de Lucas, neesperantistino, pli ebria ol mi, pri la internacia lingvo… Poste, mi provis imiti la brazilan prezidanton, dirante, ke mi kreos kvotojn al e-programoj…

Tamen, mi neniam emis krei skandalon nek furoron pro la drinkado, do mi simple sidiĝis iuloke kaj dormis, kaj nur vekiĝis pro krio de iu en la mateno, en la ĝusta horo por iri kongresejen kaj spekti la kongres-fermon. Spekti? Ho veeeeee! Mi tute forgesis ke la nova prezidanto devas esti antaŭ la tablo por plenumi la formalaĵojn, kaj la gejunuloj bone kaj ŝerce min aplaŭdis, aliaj pli serioze… Mi emociiĝis kiam mi vidis sinjorinojn, kiujn mi konis en la Kongreso de Maceió-AL, rekonante min kaj eĉ iomete plorante, dum aliaj ŝerce kaj moke kriis “Hoooo, beluuuulooooo”. Malgraŭ mia timemo, ĉio okazis komforte kaj ĝoje… Tamen, la kongreso finiĝis, kaj estis tempo por adiaŭi la geamikojn. Post tio, aliaj ploradis kaj min plorigadis.

Felipe Queiroz

Advertisements

2 Responses to Kiel Fariĝi Prezidanto de Junulara Organizo – Unua Leciono

  1. […] Kiel Fariĝi Prezidanto de Junulara Organizo – Unua Leciono […]

  2. Cândido Ruiz diras:

    Belega rakonto moŝta eksprezidanto. ^^

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out / Ŝanĝi )

Twitter picture

You are commenting using your Twitter account. Log Out / Ŝanĝi )

Facebook photo

You are commenting using your Facebook account. Log Out / Ŝanĝi )

Google+ photo

You are commenting using your Google+ account. Log Out / Ŝanĝi )

Connecting to %s

%d bloggers like this: